Roger Moore

Dr Roger George Moore KBE (* 14. Oktober 1927 z Stockwell, hit e Stadtdail vu London; † 23. Mai 2017 z Crans-Montana, Schwyz) isch e britische Schauspiler gsii. No Wälterfolg mit dr Färnsehserie Simon Templar (1962-1969) un Die 2 (1971-1972) het dr Moore in dr 1970er un 1980er Johr in siibe Film dr britisch Ghaimagänt James Bond gspiilt. Dodermit isch är dr Schauspiiler gsii, wu dr Agänt „007“ in dr offiziälle Bond-Filmraie am maischte un am lengschte gspiilt het.

Ab dr 1990er-Johr het si dr Golden-Globe-Bryysdreeger vor allem uf sy sozial Engaschmänt as UN-Sonderbotschafter fir s Chinderhilfswärch UNICEF konzäntriert.